Þetta er ekki að vera staðfastur í trúnni

Ég hef, líkt og flestir landsmenn, verið að horfa á sjónvarpsfréttir undanfarna daga.  Það er í raun hvert málið sem rekur annað og einhvern veginn veit maður ekki hvernig maður á að fara að því að flokka, meta og taka afstöðu til sumar mála.  Ok! Ísland er lítið land og þar þekkir hver annan og fjölskyldu tengsl í kross, kunningi hér og kunningi þar og oft hægt að hafa áhrif á það sem fram fer.  Ég hef verið að horfa á Geir forsætisráðherra okkar og stundum fundist hann óttalegur vingull en svo koma næstu fréttir og þá stendur þessi maður uppi eins og sker og lætur ekki bugast þó að honum sé fast sótt.  Ég hef sveiflast úr því að vilja þennan mann burt og hugsað svo í næsta fréttatíma. hann á að sitja sem fastast.  Kannski er bara ástandi svona í þjóðmálunum að engin veit hvernig hann á að höndla það sem í gangi er og misvísandi fréttir héðan og þaðan, æsifréttamennska, virðulega Rúv fréttamennska - togast allt á í kollinum á manni.

Athugasemdir

[Ester Júlía, 5.11.2008 kl. 07:43]

Vá hvað ég er sammála þér!  Stundum finnst mér Geir vera algjör hálf.... en svo koma tímar þar sem ég dáist að honum fyrir staðfestu og dugnað.  Ég er þó farin að efast um heilindi mín í þessum málum, Davíð Odds heillaði mig upp úr skónum um daginn í viðtali sem kom öllu á annan endan, held ég sitji bara hjá ! Held að Davíð O. sé norn... Kær kveðja til þín