Sjórinn aftur!

Það var ekki leiðinlegt að fara á sjóinn aftur en ferlega kemur það til með að taka á! Ég hef ekki unnið erfiðisvinnu í 20 ár og nú að taka á vöðvum sem ekki hafa verið notaðir lengi.  Lína og beitningavél um borð kalla á að nú þarf gamalmennið að rifja upp gamla kunnáttu og hvernig á að beita henni í nýju umhverfi.  Sjórinn er alls ekkert leiðinlegur og ég hlakka til að takast á við nýtt og spennandi starf um borð í bátnum.  Þetta er svo sem enginn ,,tappi” þessi bátur og ábyggilega hið besta sjóskip og kemur til með að fara vel með mig á komandi vikum.

Ég er að senda út bréf eftir helgina vegna nýs starfs og hlakka til að sjá hvort það verða þau viðbrögð sem ég vona að það verði.  Ef ég á möguleika þá er ég farinn og kem svo til baka þegar ég er tilbúinn til þess – hvenær sem það verður!

Þangað til ég heyir í ykkur næst, hafið það gott á klakanum.

Mudd