Klikkun

Mig langar að segja ykkur frá smá atviki sem ég lenti í fyrir 3 dögum síðan. 

Þannig er mál með vexti að ég þarf stundum að nota ákv.lyf.  Ég hef gert verðkönnun á því reglulega og ekki sjáanlegur neinn mikill munur, kannski 30-40 kr. 

Ég fór fyrir 3 dögum síðan og leysti út eina einingu af þessu lyfi.  Ég keypti það í Lyfju í Smáratorgi eins og svo oft áður.  Lyfið hefur kostað um 550 kr þ.e.a. hlutur sjúklings svo hefur ríkið tekið þátt í að niðurgreiða hluta þannig að lyfið hefur í raun kostað um 1.000 kr.  Mig rak í rogastans þegar ég ætlaði að fara að borga.  Lyfið kostaði kr. 1.150,-  Ég gerði athugasemd við þetta við afgreiðslustúlkuna.  Hún horfði í augun á mér og sagði mér, án þess að roðna, við hækkuðum mörg lyf um 50% um áramótin.  Nú spyr ég eins og asni.  Hvernig er þetta hægt?  Er frjáls álagning á lyfjum og ekkert þak á hvað menn geta verðlagt þau á?

Lyfjaver í Reykjavík er orðið talsvert hagstæðara en sambærilegt lyf þar kostar ekki nema um 800 kr þannig að það borgar sig fyrir mig að keyra þangað kaupa það. 

Enn þetta er víst það land sem vill allt frjálst og samkeppni – sem er reyndar enginn.

Gerið verðkönnun -  það virðist borga sig.

Athugasemdir

[Addi (IP-tala skráð) 6.1.2009 kl. 09:45]

Andskotans fukkin fokk

Er málið ekki bara þetta að þetta er allt að fara til helvítis

Mér finnst ísland vera að fara til helvíts og lengra ef það myndi komast

[Helgi (IP-tala skráð) 6.1.2009 kl. 12:39]

Þetta er ótrúlegt því að það er talað um að þessar nauðsyjar hækki ekki.  Það hlýtur að vera ef að lyf hækka hækki hlutur ríkisins nema þessari hækkun sé skellt á neytendur.
Þú vinnur bara í þessu á þinn hátt.
Gleðilegt ár!
Helgi

[Margret S (IP-tala skráð) 6.1.2009 kl. 13:39]

Hefur ykkur aldrei blöskrað umbúðirnar sem þessum (fáeinu töflum)oftar en ekki aðeins 30 stk er pakkað í.

Fyrst er það álþynna svo pappakassi þá 2 og hálfur meter af upplýsingum,þá bréfpoki og að lokum plastpoki.

Fyrir mína parta væri mér sama þótt lyfin væru bara í kramarhúsi !! Aðeins ef innihaldið væri rétt.

Verðið er út úr öllu korti.

Svo er annað ef maður notar td 20 mg af einhverju lyfi,þá borgar sig að biðja lækninn um 40 mg töflur,setjast síðan niður er heim er komið og klippa.!

Með því móti fæst meira fyrir minna.......því oftar en ekki kostar lyfið það sama burtséð frá styrknum.

Og að öðru,treystið þið því að lyfin séu áreiðanleg, flestar fabrikkurnar sem framleiða og pakka eru í Búlgaríu eða Albaníu ?

Og niður með verðið......................það er okur.